Во јуни 2025 година, Балетското студио „Арабеск“ повторно ја исполни сцената на Македонската Опера и Балет (МОБ) со магија, грациозност и љубов кон танцот.
Нашиот летен полугодишен концерт со темата „Танцот на цвеќињата“ беше вистинска бајка – исполнета со боја, нежност и радост. Секоја изведба беше приказна сама за себе, а секој чекор носеше мирис на пролет и свежина на нови почетоци.
Подготовките за овој настап се одвиваа зад сцената на МОБ, каде што се создаваат најубавите спомени. Пробите беа исполнети со смеа, енергија и искрени моменти на дружба. Тоа беше вистинско патување – од првите движења, до последниот аплауз на сцената.
Овој концерт не беше само настап – беше доживување со многу љубов, емоција и благодарност. Секоја наша ученичка, секој момент на сцената и секој аплауз од публиката ја направија оваа вечер незаборавна.
Со гордост и радост ги споделуваме овие фотографии и видеа– спомени од едно прекрасно летно искуство, кое ќе остане во нашите срца долго време.
Дел од атмосферата низ видеа
Дел од атмосферата низ слики
