Балетското студио Арабеск, лоцирано во Аеродром, во рамките на Трговскиот центар „Три Бисери“, е простор создаден со многу љубов, посветеност и внимание на секој детал. Од уредувањето на просторот до атмосферата што ја градиме заедно со нашите ученици, секој агол раскажува приказна полна со енергија, движење и емоции.

Во Арабеск веруваме дека балетот не е само уметност на движењето, туку и патување кон самодоверба, дисциплина и радост. Нашето студио е место каде што децата ја изразуваат својата креативност, се развиваат и растат во поттикнувачка и пријателска средина.

Со гордост ги споделуваме моментите од нашата работна атмосфера, наградите што сме ги освоиле, како и разиграните и насмеани мигови кои го прават секојдневието во студиото посебно и инспиративно.